12:56
Toshkentda 17 yoshli sartarosh bir yigitni qaychi bilan o‘ldirib qo‘ydi

5-iyunga o‘tar kechasi Toshkent shahrining Yashnobod tumanida sodir bo‘lgan kelishmovchilik oqibatida 26 yoshli yigit halok bo‘ldi. Bu haqda Bosh prokuratura “Daryo”ga ma’lum qildi.

Ma’lumotlarga ko‘ra, I.A. va A.B. oldidan o‘tib ketayotgan tanishlarini haqorat qilgan. Buning oqibatida I.A va tanishlaridan biri — I.Y. (2003-yilda tug‘ilgan, sudlanmagan, sartarosh) o‘rtasida janjal yuzaga kelgan. I.Y. yonida bo‘lgan sartarosh qaychisi bilan uning ko‘krak qafasi old yuzasi — to‘sh sohasiga bir marotaba urib, I.A.ni qasddan o‘ldirgan.

Marhumning do‘stlaridan biri Facebook’dagi sahifasiga qotillik I.A.ning qo‘shni mahalladagi bolalar bilan janjali oqibatida yuzaga kelganini yozib qoldirgan.

Mazkur holat yuzasidan Jinoyat kodeksining 97-moddasi (“Qasddan odam o‘ldirish”) 1-qismi bilan jinoyat ishi qo‘zg‘atilgan. Qotillikda gumonlanayotgan o‘smir qo‘lga olingan.

Категория: Yangiliklar | Просмотров: 278 | Добавил: Admin | Теги: Toshkentda 17 yoshli sartarosh bir | Рейтинг: 0.0/0
Всего комментариев: 0
avatar
close