. Qo‘qonda Xitoydan qaytgan 20 yoshli talaba vafot etdi. Uning o‘limi sababi ma’lum qilindi - 13 Февраля 2020 - www.Voybu.net | Молодежный Портал
Voybu.Net
Сб, 29.02.2020, 08:50
ГлавнаяРегистрацияВход Приветствую Вас Mexmon | RSS

Меню сайта

Категории раздела
Yangiliklar [2835]
Yangiliklar Foto [53]
Munajjimlar Bashorati [18]
Sport Yangiliklar [146]

Мини-чат

Наш опрос
Оцените мой сайт
Всего ответов: 275

Статистика


15:05
Qo‘qonda Xitoydan qaytgan 20 yoshli talaba vafot etdi. Uning o‘limi sababi ma’lum qilindi
Joriy yil 5-fevral kuni Qo‘qonda Xitoydan qaytgan 20 yoshli talaba yigit vafot etdi. “Daryo” manbasiga ko‘ra, marhum M.A. 2019-yilning kuzidan buyon Xitoyning Guylin shahrida o‘qishda bo‘lgan. Joriy yil 31-yanvar kuni Xitoydan to‘g‘ridan to‘g‘ri aviaqatnovlar yo‘qligi uchun Janubiy Koreya orqali O‘zbekistonga qaytgan.

Marhumning vafoti sabablari ijtimoiy tarmoqlarda turlicha talqin qilingani bois, “Daryo” muxbiri Azizjon Ermatov mazkur holatga oydinlik kiritishga urindi.

Qo‘qon shahar davlat sanitariya va epidemiologiya nazorat markazi tomonidan berilgan rasmiy izohda Xitoydan qaytgan talaba vafoti tasdiqlanib, fuqaro o‘limi dastlabki sud tibbiy ekspertiza xulosasiga ko‘ra, is gazidan zaharlanish oqibati kelib chiqqanligi, Xitoyda tarqalgan koronavirus xastaligi bilan bog‘liqlik alomatlari aniqlanmagani ta’kidlanadi.

Ma’lum bo‘lishicha, joriy yil 5-fevral kuni O‘zbekiston tumani Hayotobod qishlog‘ida yashovchi 2000-yilda tug‘ilgan M.A. o‘zi istiqomat qiladigan uy hammomiga yuvinish uchun kirib ketib, bir necha soat davomida qaytib chiqmagan. Shundan so‘ng uning yaqinlari hammom eshigini buzib kirishganida yigit jonsiz holatda yotganiga guvoh bo‘lishgan.

Garchi fuqaro hammomdayoq hayotdan ko‘z yumgan bo‘lsa-da, yaqinlari uni Qo‘qon shahar shoshilinch tez tibbiy yordam bo‘limiga olib borgan. Qabul diagnostika bo‘limida reanimatologlar tomonidan jasad zudlik bilan ko‘rilganda, biologik o‘lim allaqachon sodir bo‘lganligi tasdiqlangan. Bu haqda darhol huquqni muhofaza qiluvchi idoralarga xabar berilgan va jasad sud tibbiy ekspertizadan o‘tkazish uchun Qo‘qon shahar sud tibbiy ekspertizasiga yuborilgan.

Murda dastlabki sud tibbiy tekshiruvidan o‘tkazilganida unda is gazidan zaharlanishga xos bo‘lgan maxsus spetsifik belgilar aniqlangan.

Qayd etilishicha, M.A. til o‘rganish maqsadida 2019-yil 15-noyabrda Xitoyga borib, joriy yil 31-yanvar kuni Janubiy Koreya orqali O‘zbekistonga qaytgan. U yurtimizga qaytib kelgan kuniyoq O‘zbekiston tumanidagi 71-sonli qishloq oilaviy poliklinikasida tibbiyot xodimlari tomonidan ko‘rikdan o‘tkazilgan va ikki haftalik nazoratga olingan bo‘lib, unda hech qanday kasallik alomatlari aniqlanmagan. Buni marhumning ambulator kartasidagi ma’lumotlar hamda yaqinlari bilan o‘tkazilgan suhbat ham tasdiqladi.

M.A. Xitoydan kelganligi sababli epidemiologik ko‘rsatmaga asosan olingan tahlil namunalari Farg‘ona viloyati SEOM virusologiya laboratoriyasida tekshirilib, unda gripp yoki koronavirus alomatlari topilmagan.
Категория: Yangiliklar | Просмотров: 75 | Добавил: Admin | Теги: Qo‘qonda Xitoydan qaytgan 20 yoshli | Рейтинг: 0.0/0
Всего комментариев: 0
avatar
Вход на сайт
Login:
Parol:

Поиск

Календарь
«  Февраль 2020  »
ПнВтСрЧтПтСбВс
     12
3456789
10111213141516
17181920212223
242526272829

Архив записей

Друзья сайта

Copyright MyCorp © 2020