20:37
O‘zbekistonliklarga muayyan vaqtlarda shaxsiy avtomobillarida harakatlanishga ruxsat berildi

O‘zbekistonda fuqarolarga muayyan vaqtlarda shaxsiy avtomobillarida harakatlanishga ruxsat berildi.

IIV matbuot kotibi Shohrux G‘iyosovning xabar berishicha, fuqarolarga ertalab 7:00 dan 10:00 gacha hamda 17:00 dan 20:00 gacha shaxsiy avtomobillaridan foydalanishga ruxsat beriladi. Bunda ishga borish-kelish, shifoxona, dori-darmon xarid qilish asosiy maqsad bo‘lishi kerak.

Eslatib o‘tamiz, O‘zbekistonda viloyatlararo, Toshkent va Nukus shaharlari hamda viloyatlar markazlarida 30-mart soat 06:00 dan 20-aprel soat 00:01 ga qadar shaxsiy transportdan foydalanishga cheklov qo‘yilgan edi. Faqat Davlat xizmatlari markazlari tomonidan beriladigan maxsus ruxsatnoma (stiker)lar asosida avtotransport vositalari harakatlanishiga ruxsat berilgan. Maxsus ruxsatnomasiz harakatlangan fuqarolarga nisbatan Ma’muriy javobgarlik to‘g‘risidagi kodeksning 54-moddasi asosida jarima qo'llanilib, avtotransport vositasi karantin oxirigacha jarima maydonchasida qoladi.

O‘zbekiston bosh vaziri o‘rinbosari Jamshid Qo‘chqorov 15-aprel kuni bo‘lib o‘tgan brifingda respublikada karantin davrida shaxsiy avtomobildan foydalanish tartibi yengillashtirilishi mumkinligini ma'lum qilingandi.

Категория: Yangiliklar | Просмотров: 194 | Добавил: Admin | Теги: O‘zbekistonliklarga muayyan vaqtlar | Рейтинг: 0.0/0
Всего комментариев: 0
avatar
close