Чт, 18.10.2018, 04:39
Приветствую Вас, Mexmon

13:38
Oʻzbekistonda 100 ming soʻmlik banknotlar chiqariladi
Keyingi vaqtlarda odamlar orasida pul almashishi mumkinligi va inflyatsiyaning kuchayib borayotgani haqidagi mish-mishlar paydo boʻldi. Aslida qachon va qanday vaziyatlarda davlat puli oʻzgarishi mumkin? Agar shunday ehtimol boʻlsa, odamlar qancha vaqt oldin xabardor etiladi? Narx-navoning oʻsish tendensiyasi, inflyatsiya darajasi borasidagi fikrlarni mutaxassislar qanday izohlaydi?

Ushbu savollarga Milliy matbuot markazida Oʻzbekiston Markaziy banki hamda “Qishloqqurilishbank”ning qoʻshma anjumanida mutaxassislar javob berdi, deb yozmoqda Kun.uz.

— Pulning almashishiga sabab ham ehtimol ham yoʻq. Yoʻqsa, 100 ming soʻmlik banknotlar chiqarilarmidi? Yaqinda ana shunday summadagi pul muomalaga chiqariladi. Toʻgʻri, inflyatsiya oʻsishi mumkin. Chunki bankning qayta moliyalash stavkasining ikki foizga oshirilishi, oʻz-oʻzidan bozordagi narx-navoga taʼsir qiladi.

Tadbirkor kredit olgan boʻlsa, endi oshgan ikki foizni qoplash uchun ishlab chiqarayotgan mahsulotini bahosini balandlashtiradi.

Prezident Shavkat Mirziyoyev barcha mansabdor shaxslar tomonidan aholiga real holatni va haqiqiy statistika maʼlumotlarni yetkazib berish boʻyicha qatʼiy topshiriq bergan. Guvohi boʻlayotganimizdek, Oʻzbekistonda inflyatsiya yashirilayotgani yoʻq.

Narxlarning oʻsish tendensiyasi eʼlon qilinmoqda, unga koʻra joriy yilda ham inflyatsiyaning darajasi yuqori boʻlishi kutilmoqda. Taʼkidlash kerakki, narxlarning bozor mexanizmlari asosida shakllantirish kelgusi davrlarda inflyatsiya “jilovini” tortib turish imkonini berishi tabiiydir.

Mish-mishlar odamlarga qaysidir maʼnoda ogohlik va profilaktika chorasidek taʼsir qilishi mumkin. Biroq iqtisodiy-moliyaviy va bank tizimida mish-mishlarga emas rasmiy bayonotlarga tayangan maʼqul.

Qayd etish joizki, yaqin orada soʻmning qadri oshishi kutilmoqda. Xususan, yalpi ichki mahsulotga teng miqdorda mablagʻimiz boʻlganda uning qadrsizlanishi toʻxtaydi. Yana investitsiya kiritish hajmining oshishi ham pul qadrini oshiradi.
Категория: Yangiliklar | Просмотров: 149 | Добавил: Admin | Теги: Oʻzbekistonda 100 ming soʻmlik bank | Рейтинг: 0.0/0
Всего комментариев: 0
avatar