20:50
Norin tumanida 21 yoshli qiz o‘z amakisiga pichoq bilan og‘ir tan jarohati yetkazdi

Namangan viloyati, Norin tumanida ham Koronavirus pandemiyasi paytida fuqarolarning tartib-qoidalarga rioya qilishlari, fuqarolarning jinoyat va huquqbuzarliklar sodir etilishining oldini olish borasida kunu tun targ‘ibot ishlari va reydlar o‘tkazilmoqda.

Biroq olib borilayotgan qat’iy chora-tadbirlarga qaramasdan, shu yilning 17 aprel kuni tumandagi xonadonlardan birida arzimagan ish ortidan katta janjal kelib chiqdi. Shu kuni soat 12.00 da Norin tumanida yashovchi, 21 yoshli qiz, o‘zining yashash uyida, birga yashovchi 37 yoshli amakisiga “Yuvgan kiyimlaringning mag‘zavasini o‘zing tozalab qo‘y”, deb janjal ko‘taradi. Bu haqda Namangan viloyat IIB xabar berdi.

O‘zidan 16 yosh kichik bo‘lgan jiyanining gaplarini ko‘tara olmagan amaki esa qizni haqorat qiladi. Qiz oshxonada turgan xo‘jalik pichog‘ini olib, amakisiga tashlanadi va uning ko‘krak qafasi, orqa o‘ng yelkasiga urib, qasddan og‘ir tan jarohati yetkazadi. Vaqtida ko‘rsatilgan tez-tibbiy yordam natijasida erkakning hayoti saqlab qolindi. Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

Категория: Yangiliklar | Просмотров: 233 | Добавил: Admin | Теги: Norin tumanida 21 yoshli qiz o‘z am | Рейтинг: 0.0/0
Всего комментариев: 0
avatar
close